Parc Cenedlaethol Bannau Brycheiniog
Gweithgareddau ac ymchwil 3
3. Gweithgareddau ac Atyniadau ym Mharc Cenedlaethol Bannau Brycheiniog
Fel pob Parc Cenedlaethol, mae Bannau Brycheiniog yn darparu cyfleusterau ar gyfer ystod o weithgareddau adloniant awyr agored. Y gweithgareddau mwyaf poblogaidd yw cerdded, beicio mynydd a beicio yn ogystal ag ystod o weithgareddau sy'n seiliedig ar ddŵr.
Cerdded
Fel mewn sawl parc cenedlaethol, cerdded yw'r gweithgaredd hamdden mwyaf poblogaidd. Ceir nifer o deithiau â digon o arwyddbyst sy'n amrywio o ran hyd ac anawsterau. Mae cerdded yn ffordd i ymwelwyr werthfawrogi prydferthwch tirlun y Parc Cenedlaethol. Gall y cerddwyr gael arweinwyr yn y Canolfannau Gwybodaeth sy'n rhoi manylion am y teithiau cerdded:
- Gall y cerddwr gael gwybodaeth am yr ardal lle mae'n cerdded
- Maent yn llai tebygol o fynd ar goll neu grwydro ar dir na ddylent gerdded arno, ac felly nid yw ffermwyr lleol na thirfeddianwyr yn cael eu tarfu.
- Mae'r ymwelydd yn fwy tebygol o ddychwelyd i fynd ar deithiau eraill yn yr ardal.
- Gall y llwybrau annog cerddwyr i ymweld â busnesau twristaidd lleol megis tafarndai a chaffis i wario eu harian.
- Gall arweinwyr roi gwybodaeth am gyfleusterau eraill sydd ar gael yn y Parc Cenedlaethol.
Menywod yn cerdded i fyny Corn Ddu
Bannau Brycheiniog, Canolbarth Cymru
Beicio
Seiclwyr ar lwybr Cronfa Ddŵr Alwen
Sir Ddinbych
Beicwyr mynydd yn croesi afon
Bannau Brycheiniog
Mae'n bwysig hyrwyddo gweithgareddau megis beicio ym Mharc Cenedlaethol Bannau Brycheiniog. Gall busnesau o fewn y parc gefnogi beicwyr mewn nifer o ffyrdd (llogi a thrwsio beiciau, darparu bwyd a diod, ayyb.)
Mae gwella ansawdd y wybodaeth sydd ar gael i feicwyr yn cael ei ystyried yn flaenoriaeth. Syniad pwysig arall yw gwella cysylltau rhwng systemau cludiant cyhoeddus a llwybrau beicio fel bod beicwyr yn dibynnu llai ar eu ceir eu hunain.
Mae beicio mynydd wedi cynyddu'n ddramatig yn ddiweddar a bu'n rhaid i Awdurdod y Parc Cenedlaethol ddatblygu traciau a llwybrau newydd i gyfarfod ag anghenion y rhai sy'n mwynhau y sport newydd hwn. Mae 16 llwybr beiciau mynydd wedi eu creu ac maent i gyd yn cychwyn o un o bum lleoliad neu ' ganolbwynt'. Fel gyda seiclo ar y ffyrdd, mae pecynnau teithiau ar gael.
Gweithgareddau Dŵr
Canŵio a Hwylio
ar Lyn Llan-gors
Ceir ystod eang o weithgareddau seiliedig ar ddŵr. Mae canŵio a mynd mewn ceiac yn boblogaidd ac mae modd pysgota dŵr croyw yn y nifer o lynnoedd ac afonydd.
Yn Llyn Llan-gors ceir cyfle i hwylio a bordhwylio yn ogystal.
Merlota a marchogaeth
Merlota, Mynyddoedd Du
Mae Cymdeithas Ceffylau Prydain wedi dyfarnu'r wobr 'Mynediad Gorau' i Barc Cenedlaethol Bannau Brycheiniog am iddo agor llwybrau marchogaeth newydd ac mae hyn wedi arwain at fanteision i fusnesau o fewn y Parc Cenedlaethol.
Atyniadau
Atyniad naturiol Parc Cenedlaethol Bannau Brycheiniog yw'r tirlun o fynyddoedd, gweundiroedd, afonydd ac ogofâu, ynghyd â bywyd gwyllt a geir o fewn yr ardal.
Mynydd Pen y Fan, Bannau Brycheiniog
Mae'r atyniadau adeiledig yn cynnwys y cestyll a'r bryngeiri hynafol yn ogystal â Chamlas Aberhonddu a Sir Fynwy.
Pobl yn pysgota a chwpl ar gwch cul, Camlas Sir Fynwy a Brycheiniog, Bannau Brycheiniog, de-ddwyrain Cymru
Mae'r atyniadau a adeiladwyd i bwrpas yn cynnwys Canolfan Ymwelwyr y Parc Cenedlaethol yn Libanus a Pharc Gwledig Craig-y-nos.
Llyn, Parc Gwledig Craig y Nos, Bannau Brycheiniog, Canolbarth Cymru
Mae trefi hanesyddol, megis Aberhonddu, Y Gelli Gandryll a Chrucywel hefyd yn denu ymwelwyr.
Llyfrau Broad Street, Y Gelli Gandryll
- Dyluniwch bamffled yn hyrwyddo manteision cerdded ym Mannau Brycheiniog.
- Ymchwiliwch i'r ystod o weithgareddau sydd ar gael yn Llyn Llan-gors.
- Awgrymwch sut y gall ymwelwyr dreulio diwrnod neu hanner diwrnod yn nhref Aberhonddu a'r cyffiniau.
- Beth sy'n digwydd yng Ngŵyl Y Gelli Gandryll?
- Ymchwiliwch i'r cynhyrchion a'r gwasanaethau sydd ar gael yng Nghanolfan Ymwelwyr y Parc Cenedlaethol yn Libanus ac ym Mharc Gwledig Craig-y-nos.