Sesiwn 6:
Cyflwyniad i Offer Codi a Thorri:
Torwyr gwair, Cyflyrwyr, Chwalwyr a Chribinau gwair
Nod y sesiwn:
Erbyn diwedd y sesiwn hon byddwch chi'n gallu:
- rhoi enghreifftiau o wahanol fathau o dorwyr gwair.
- disgrifio sut mae torwyr gwair yn gweithio.
- esbonio sut mae torwyr gwair yn gweithredu.
Nodwch
Cyn gweithio ar unrhyw beiriant, gwnewch yn siŵr eich bod yn gyfarwydd â’r canlynol:
- Asesiad risg
- Cadw at ganllawiau diogelwch y diwydiant a llawlyfr y defnyddiwr
- Cychwyn a stopio'n ddiogel
- Monitro perfformiad ac allbwn y peiriant
- Cyfathrebu'n effeithiol
- Clirio unrhyw beth sy'n sownd mewn offer
- Newid rhwng safleoedd gweithio a theithio
- Gweithredu'n economaidd
- Gweithredu'n ddiogel ac yn effeithlon.
Torwyr gwair
Swyddogaeth
Torri gwair o fath, hyd, a chyflwr amrywiol ac yna ei gyflwyno ar gyfer gwaith pellach, e.e.
- chwalu gwair
- gwneud rhesi (cribinio)
- codi â chynaeafwr, ac ati.
Torwyr Gwair
- Ystod (swath) – Llinell neu res o wair wedi'i dorri ar ôl i’r peiriant ei daflu at ei gilydd.
- Am flynyddoedd lawer, roedd torwyr gwair yn rhai a oedd â bar torri. Ond nawr mae torwyr gwair cylchdro (rotary) ac i raddau llai, y ffustiwr (flail mower), wedi dod yn lle'r peiriannau hyn.
Torrwr Gwair Bar Torri
- Mae'r mecanwaith â chyllyll sy'n torri yn debyg i un combein.
- Mae'r gyllell yn cael ei gyrru gan y ddyfais tynnu pŵer (PTO) drwy granc a 'pitman' (rhoden sy'n cysylltu).
- Mae cranc y gyriant yn rhedeg ar tua 500rpm gan roi tua 1,000 o doriadau y funud.
- Mae hyd toriad y gyllell yn 75mm ac mae dyfeisiadau diogelwch yn cynnwys mecanwaith torri'n ôl ar y bar torri, cydiwr llithro yn y prif yriant a gwregysau'r gyriant.
Torwyr Gwair Cylchdro
- Mae cyfradd gweithio torwyr cylchdro yn uchel a does dim llawer yn mynd yn sownd ynddyn nhw, hyd yn oed mewn cnydau trwm neu lawn drysi.
- Mae'n bosibl gweithio ar 15kmya mewn amodau gwaith da.
- Maen nhw naill ai'n cael eu gosod ar gyswllt tri phwynt, neu'n cael eu llusgo, a'r PTO yn eu gyrru.
- Mae rhai'n cael eu gosod ar y blaen, fel bod lle i osod ail dorrwr gwair atred (offset) ar y cyswllt ôl.
Torwyr gwair drwm
Mae drymiau sy'n cylchdroi yn groes i'w gilydd. Mae cyllyll sy'n hongian yn rhydd yn torri'r cnwd ac yn gwthio ystod allan o gefn y peiriant.
- dau, tri neu bedwar drwm
- llusgo, wedi'i osod ar y blaen neu'r cefn
- gyda chyflyrydd neu hebddo
- lled gweithio o 1.65 i 4m
- drymiau'n cylchdroi ar 1600 i 1800 rpm
- 3 neu 4 cyllell i bob drwm
- cyflymdra blaen y gyllell yw tua 70m yr eiliad (170 mya)
- uchder torri / sofl neu fonion 20 i 100 mm
- newid yr uchder drwy gyllyll gwahanol, sgidiau o dan y drymiau, drymiau symudol, stops ar hyrddbeiriannau codi / cynnal (lifting support rams)
- cyswllt arnofio (floatation linkage) yn galluogi'r peiriant i ddilyn amlinell y tir
- llinell y gyriant yn cael ei diogelu â chydwyr llithro, cydwyr gor-redeg, bolltau torri a gwregysau (llithro) (slip clutches, over run clutches, shearbolts and belts (slippage))
Ar ddiwedd y sesiwn rydych chi bellach yn gallu:
- rhoi enghreifftiau o wahanol fathau o dorwyr gwair amaethyddol.
- disgrifio ac esbonio sut mae torwyr gwair yn gweithio.